Shoqata e Invalidëve - Shpresa

Shpërndarja e Karrocave Elektronike

2011-07-13T13:02:00.001+02:00

Me datën 13.07.2011, në bashkëpunim me SH.H.”Kalliri i Mirësisë”, furnizuam 7 anëtarë tanë me karroca ortopedike elektronike. Me këtë rast kryetari i SH.I.”Shpresa”, z-ri Elvat Muaremi iu faleminderua perfaqësuesve të “Kallirit të Mirësisë”, vlerësoi lartë bashkëpunimin dhe premtoi që jemi të hapur për baskëpunime të këtij lloji edhe në të ardhmen.

Të Gjithë Sportojmë, të Gjithë Fitojmë

2011-06-30T12:41:00.012+02:00

-Ky projekt ishte financiarisht i mbështetur nga Qyteti i Shkupit, gjegjësisht, sektori për sport.
-Na vjen shumë mirë që për herë të parë, një projekt i këtij lloji gjeti mbështetje financiare sepse deri më tani fëmijët, persona me aftësi të kufizuara, anëtarë të shoqatës sonë, nuk kanë patur mundësinë të kenë kontakt me sport.
-Ky projekt filloi me realizim me datën 05.05.2011 dhe vazhdoi deri më datën 25.06.2011. Gjatë kësaj periudhe aktivitetet u realizuan në sallën sportive të Sh.F.”Liria” ku kishim të angazhuar edhe profesor të edukatës fizike që në mënyrë profesionale ti angazhojë ata që treguan interes, gjegjësisht, 40 persona, nga 3 orë në javë. Kjo ishte një surprizë e këndshme edhe për ne, edhe për prindërit por edhe për profesorin pasi edhe ai për herë të parë organizonte aktivitete sportive me fëmijë të kësaj kategorije.
-Ashtu siç ishte e paraparë, finalja u organizua në qendrën rekreative Saraj të Shkupit, për të cilën organizuam transport, pije dhe ushqim për të gjithë pjesëmarrësit. Fjalija e cila u përsërit shumë herë nga ana e prindërve është që janë më se të gëzuar që iu mundësua fëmijëve të tyre të mirren me kështu lloj aktivitete për herë të parë në jetën e tyre. Kjo len të kuptohet që me këtë aktivitet ne kemi shkaktuar një satisfakcion të madh shpirtëror tek anëtarët tanë.
-Poqëse arrijmë të gjejmë donatorë, aktivitetet me këtë projekt do të vazhdojnë edhe më tutje.

Mbajtja e debateve publike të parapara me projektin “Hartimi i Planeve Lokale Akcionale”

2011-03-10T12:03:00.005+01:00

-Ashtu siç është e paraparë, tash jemi në fazën e 5të të projektit “Hartimi i Planeve Lokale Akcionale”, draft verzioni i të cilëve tash më është i gatshëm, ku është e paraparë të mbahen debate publike në komunat përkatëse ku në rend të parë do të bëhet prezantimi i draft verzioneve të këtij dokumenti dhe pastaj tu jepet mundësija të gjithë të pranishmive të cilët janë këshilltarët e komunave, grupet punuese që përpiluan planet, përfaqësuesit e institucioneve publike dhe qytetarët e rëndomtë që të japin kritikat, propozimet dhe sugjerimet e tyre në lidhje me këto plane akcionale nëse ne kemi bërë ndonjë lëshim. E tërë kjo bëhet me qëllim që ky dokument strategjik të bëhet sa më i plotë dhe më përmbajtësor.

Debati publik në komunën e Bërvenicës, i mbajtur me datë 09.03.2011

Debati publik në komunën e Butelit, i mbajtur me datë 23.03.2011

Debati publik në komunën e Gostivarit, i mbajtur me datë 25.03.2011

Debati publik në komunën e Kisela Vodes, i mbajtur me datë 12.04.2011

Hartimi i Planeve Lokale Akcionale

2011-02-23T13:26:00.002+01:00

-Ky projekt është financiarisht i përkrahur nga fondacioni Amerikan “German Marshal Fund“. Qëllimet kryesore të këtij projekti janë:

- Krijimi i planeve lokale akcionale për përmirësimin e kushteve jetësore të personave me aftësi të kufizuara dhe familjeve të tyre
- Inicimi i bashkëpunimit mes pushtetit lokal dhe sektorit joqeveritar
- Inicimi i bashkëpunimit mes vet sektorit joqeveritar

-Qëndrueshmërija e këtij projekti garantohet me vet faktin që krijohet një dokument i cili në fund do të miratohet nga këshillet e vet komunave dhe gjithashtu, Sh.I. “Shpresa” ka për obligim që pas një viti të vizitoj të gjitha komunat dhe të bëj evaluimin e implementimin e të gjitha planeve.

-Me këtë projekt janë të përfshira 4 komuna: Gostivari, Bërvenica, Kisela Voda dhe Buteli. Realizimi i këtij projekti ka filluar me 01 Gusht, 2010 dhe do të zgjasë deri më datën 31 Maj, 2011.
-Pasi ky projekt zgjatë gati 1 vit, aktivitetet e parapara janë të ndara në disa faza ku së pari filluam me takim me të 4 kryetarët e komunave dhe i kemi njohtuar ata për së afërmi me aktivitetet dhe qëllimet që duhet të arrihen në teritorin e komunave të tyre. Normalisht, kemi kërkuar pëlqim nga ata, nëse janë të gatshëm, që në bashkëpunim me neve të realizohet ky projekt sepse interesi është te personat me aftësi të kufizuara- qytetarë të atyre komunave. Që nga takimi i parë, kryetarët e 4 komunave ishin të fascinuar me këtë ide dhe pa asnjë rezervë ranë në dakord për të realizuar këtë projekt.

Takimi i parë u mbajt me datën 05 Gusht, 2010, me kryetarin e komunës së Butelit, z-ri Petre Latinovski.

Takimi i dytë u bë me datën 12 Gusht, 2010, me kryetarin e komunës së Bërvenicës, z-ri Enver Pajaziti.

Takimi i tretë u mbajt me datën 14 Gusht, 2010, me kryetarin e komunës së Gostivarit, z-ri Rufi Osmanin.

Takimi i katërt u mbajt me datën 30 Gusht, 2010, me kryetarin e komunës së Kisela Vodës, z-ri Marjan Gjorçev.

Pas një kohe të shkurtë, ashtu siç u morrëm vesh me kryetarët e komunave, ata caktuan personin për kontakt me të cilin i kemi koordinuar të gjitha aktivitetet. Aktiviteti i radhës ishte formimi i grupeve punuese të cilat numrojnë 10-15 persona, 3 nga të cilët vijnë nga komuna përkatësë (sektori i urbanizmit, arsimit dhe çështjeve sociale) ndërsa të tjerët anëtarë vijnë nga OJQtë e ndryshme që veprojnë në teritoret e komunave të përzgjedhura, enti social, byroja për punësim, mediumet lokale, qendrat speciale, shkollat speciale dhe biznis sektori. Formimi i këtyre grupeve ka zgjatur deri me datën 30 Shtator, 2010.
Këto 4 grupe punuese patën për obligim që të ndjekin një trajnim dy-ditor në të cilin ata patën mundësinë që të njohtohen me legjislativën aktuale të R.M. në lidhje me të drejtat e personave me aftësi të kufizuara, konventën ndërkombëtare për të drejtat e personave me aftësi të kufizuara që eshtë sjellë në OKB me datën 13 Dhjetor, 2006, Agjendën 22- rregullat standarde, konventën evropjane dhe deklara të ndryshme të cilat janë deklarative apo obligative. Тë gjitha këto materijale iu shpërndanë anëtarëvë të të gjitha grupeve punuese në formë të CDsë. Gjatë këtyre trajnimeve u bë edhe nënshkrimi i memorandumeve për bashkëpunim ndërmjet shoqatës Shpresa, komunave dhe anëtarëve të tjerë të grupit, përfaqësues të institucioneve të ndryshme

Trajnimi i parë u mbajt në komunën e Bërvenicës me datën 04-05 Tetor, 2010.

Trajnimi i dytë u mbajt në komunën e Gostivarit me datën 20-21 Tetor, 2010.

Trajnimi i tretë u mbajt në komunën e Butelit me datën 25-26 Nëntor, 2010

Trajnimi i katërt u mbajt në komunën e Kisela Vodës me datën 17-18 Janar, 2011.

-Si aktivitet i radhës është organizimi i punëtorive 3-ditore për çdo komunë në të cilat tash me kemi punë konkrete ku në mënyrë participative të gjithë fletojmë të drejtat dhe problemet që i preokupojnë qytetarët e këtyre komunave- persona me aftësi të kufizuara, duke filluar nga vetëdija publike, mbrojtja dhe shërmimet sociale, arsimi, qasshmërija fizike, qasja deri te informatat, sporti, kultura dhe punësimi.
Të gjitha këto të dhëna të grumbulluara, Sh.I.Shpresa së bashku me fascilitatorin, z-ri Afrim Iljazin i cili është ekspert i kësaj fushe, i përpunon dhe I fut në letër dhe në këtë menyrë hartohet draft verzioni i Planit Lokal Akcional.

Punëtorija e parë u mbajt në komunën e Gostivarit, me datën 09-10-11 Dhjetor, 2010.
Punëtorija e dytë u mbajt në komunën e Butelit, me datën 12-13-14 Janar, 2011.

Punëtorija e tretë u mbajt në komunën e Bërvenicës, me datën 07-08-09 Shkurt, 2011.

Punëtorija e katërt u mbajt në komunën e Kisela Vodës, me datën 14-15-16 Shkurt, 2011.

-Procesi vazhdon edhe më tutje.

Pajisja e 5 Anetareve me Karroca Elektronike

2010-10-27T11:50:00.008+02:00

Edhe një herë, Sh.I.Shpresa dëshmon devotshmërinë e saj ndaj anëtarëve të saj duke siguruar 5 karroca elektronike për ata anëtarë të cilët patën nevojë për to. Ky donacion erdhi nga një biznismen që dëshiron të mbetet anonim dhe ne jemi shumë mirënjohës për bashkëpunimin, pasi arritëm të kënaqim qëllimin e donatorit dhe të plotësojmë nevojat e 5 personave, 4 prej të cilëve ndjekin shkollim të rregullt në cikle të ndryshme.
S’ka dyshim që ky është një gjest i madh human të cilin e çmojmë dhe vlerësojmë shumë dhe shpresojmë që të ardhmen do të kemi edhe donatorë tjerë që do të dhurojnë kështu donacione ose të ngjajshme.
Ky donacion u shpërnda në prezencë të personit që u përcaktua nga donatori me datën 26.10.2010 në selinë e Sh.I.Shpresa.

Pushim Veror

2010-09-21T12:17:00.002+02:00

Meqë buxheti familjar и personave të kësaj kategorije nuk u lejon një luks sikur pushimi veror, Sh.I.Shpresa u drejtua deri te Kryqi и Кuq me kërkesë zyrtare për tu mundësuar pushim veror disa anëtarëve tanë. Nga ana e tyre morrëm përgjigje pozitive për 5 persona, anëtarë tanë të cilët edhe e shfrytëzuan këtë mundësi duke filluar prej datës 15.09.2010 e deri me datën 20.09.2010, në objektin hotelierik të Kryqit të Kuq te qytetit të Shkupit në Strugë.
Kjo është fillimi i një aktiviteti i cili qëndron në plan- programin e shoqatës tonë dhe shpresojmë që në të ardhmen do të gjejmë donatorë për ti kënaqur nevojat e edhe më tepër anëtarëve.

Prodhime te Mishit per Sofer me te Begatshme

2010-09-03T13:15:00.004+02:00

Meqë tani jemi në muajin Ramazan- 2010, ashtu siç ka ndodhë gjatë 3 viteve me rradhë, edhe këtë vit, kompanija për prodhime të mishit “Uka Komerc” që gjindet në komunën Saraj të Shkupit, shoqatës i dhuroi 250 pako me prodhime të mishit, me vlerë prej 30 Euro. Duke e ditur që Maqedonija është në një krizë të thellë ekonomike, ky donacion është mëse i mirëseardhur për anëtarët tanë dhe ne e çmojmë dhe e vlerësojmë jashtëzakonisht shumë.
Shpresojmë që bashkëpunimi do të vazhdojë edhe më tutje.
Pervec ketij aktiviteti, ne bashkepunim me donatore tjere te cilet deshirojne te mbesin anonim, kemi shperndare rreth 2500 kg artikuj ushqimor dhe higjienik nga me te ndryshmet.

2010-07-06T13:29:00.001+02:00

Në planin lokal akcional për komunën e Çairit që u përgadit gjatë vitit 2007 në bashkëpunim mes Sh.I.Shpresa, Handicap International dhe Komunën e Çairit, një ndër prioritetet ishte të ndërtohen akcese për qasje fizike për personat me aftësi të kufizuara nëpër institucionet publike në tërë teritorin e komunës së Çairit.
Me projektin “Mundësi të barabarta për personat me aftësi të kufizuara” parapamë të ndërtojmë 4 akcese nëpër institucionet publike, siç janë: Sh.F.”Liria”, Teatri Kombëtar Shqipëtar, Sh.F.”Tefeyz” dhe Shtëpija e pensionistëve në Çair. Mirëpo, për shkak të mjeteve finansiare që i siguronte Agjensioni për Zhvillim i Zvicrrës, nuk kishte mundësi të ndërtohen të 4 akceset dhe ishim të detyruar të ndërtojmë vetëm 2. Ne u përcaktuam për Sh.F.”Tefeyz” dhe Shtëpinë e pensionistëve në Çair.
Ky projekt filloi me reailizim me datën 15.01.2010, dhe mbaroi me datën 10.05.2010. Tani, siç shihet, kemi ndërtuar 2 akcese sipas të gjitha standardeve, dhe mund të themi lirisht që ç’do person me aftësi të kufizuara mund të hyjë dhe të dalë lirshëm nga këto institucione dhe tani më ai mund ti llogarit këto institucione si të tijat, të llogaritet si i barabartë me të tjerët, jo i diskriminuar, e kjo është një kënaqësi për vet personin që shfrytëzon këto akcese, për ne si organizatë por edhe për komunën e Çairit, sepse me institucione të këtilla, komuna krijon një imazh krejtësisht tjetër nga ai i mëparshmi. Duhet të theksohet që këtë projekt finansiarisht, me 20% të buxhetit total, e ka përkrahur edhe komuna e Çairit.
Normalisht që ne nuk do të ndalemi këtu, përderisa nuk realizohet në tërësi plani lokal akcional për komunën e Çairit.

Qendër për shërbime psiko- sociale

2009-12-29T12:57:00.001+01:00

Ky projekt èshtè i mbështetur financiarisht nga Ministrija për punë dhe politikë sociale të R.M. Qëllimi i këtij projekti ishte tu jepet mundësia një numri prej 24 prindërve të fëmijëve me hendikep dhe vet personave me hendikep, anëtarë të shoqatës Shpresa, që nga ekspert punëtor social të njihen me të gjitha të drejtat e tyre që i garantojnë ligjet aktuale të R.M. kurse nga psikologu tu jepet mundësia që të ndëgjojnë se si ti përballojnë problemet në jetën e tyre të përditshme, në raste stresi apo depresioni, që të mos ushtrohet dhunë në familje, të mos ketë diskriminim dhe mos të vijë deri te divorcet, pasi divorci èshtè edhe një fatkeqësi plus për fëmijët e kësaj kategorije.

Ky projekt ka filluar të realizohet që nga 01.10.2009 dhe do të zgjasë deri më 31.12.2009. Meqë interesimi ka qenë shumè i madh, si nga prindërit baballarë ashtu edhe nga prindërit nëna, shpresojmë që do të gjejmë donatorë që të implementojmë këtë projekt edhe gjatë vitit 2010.

Trajnim për gjuhën Angleze dhe teknologjinë informatike për personat me aftësi të kufizuara- Vera 2009

2009-12-15T12:36:00.001+01:00

Gjatë muajve Qershor dhe Korrik, Sh.I. “Shpresa” implementoi proektin të përkrahur nga SPA programi, mundësuar nga USAID dhe Korpusi i Paqes, Maqedoni. Gjatë 8 javëve, 9 anëtarë ndjeken trajnim gjatë fundjavëve, për të mësuar gjuhën Angleze dhe teknologjinë informatike.

Trajnimi u mbajt nga Afrim Bajrami dhe Blerim Rexhepi, i cili asistoi kandidatët. Trajnimi në gjuhën angleze përmbante nivelin fillestar të gjuhës folëse, duke filluar nga shkronjat, prezantimi i vetes, dha fjali dhe pyetje të thjeshta nga koha e kaluar, e tashme dhe e ardhme.

Gjatë trajnimit për teknologjinë informatike, kandidatët mësuan ta përdorin Microsoft Office. Gjatë orëve, u dhanë udhëzime detale se si të përdoret MS Word, Publisher dhe Powerpoint, aftësi të cilat janë më se të rëndësishme për mundësitë e ardhshme për tu punësuar.

Të gjitha këto sesione u incizuan, që të rritet efekti i këtij projekti në rrethinë. Incizimet u shfrytëzuan sikur leksione prej 5-20 minuta, duke u fokusuar në leksionet kryesore. Të gjitha këto leksione u futën në DVD dhe iu dhanë kandidatëve të cilët ndoqën këtë trajnim gjatë verës, që të mund të ushtrojnë dhe ta përsërisin atë që kanë mësuar. DVD e tjera do t’u jepen anëtarëve të tjerë të cilët janë të interesuar të mësojnë gjuhën angleze dhe teknologjinë informatike.

Me datën 25.11.2009, ky projekt përfundoi, me një mbledhim të vogël të të gjithë kandidatëve që tu shpërndahen diplomat. Sefer Hiseni, anëtar i Sh.I.”Shpresa, i cili është i punësuar në komunën e Çairit, bisedoi me kandidatët për eksperiencën e tij për atë se si është të jesh person me aftësi kufizuar dhe të punohet në këtë shoqëri, për ti inkurajuar kandidatët të vazhdojnë të mësojnë dhe ti përmirësojnë aftësitë e tyre.

Trajnimit në gjuhën angleze
Trajnimit për teknologjinë informatike

Kushte për komunikim për personat me hendikep pa bariera

2009-03-25T13:49:00.001+01:00

Ky projekt ishte i mbështetur financiarisht nga Qeverija e R.M. sektori për bashkèpunim me OJQ, me të cilin patëm për obligim të ndërtojmë 5 akcese, ne 5 institucione publike. Projekti filloi me realizim me datën 11.01.2009 dhe përfundoi me datën 27.03.2009 dhe me plot bindje themi që u realizua me shumè sukses. Ne si shoqatë që trajton çështjet e personave me hendikep, projekte të këtilla do të mundohemi të realizojmë edhe në të ardhmen, pasi kemi bindjen që projektet e këtilla drejtpërdrejt përmirsojnë kushtet jetësore në vendbanimet e tyre.

Plani Lokal Akcional për Personat me Aftësi të Kufizuara në Nivel të komunës së Çairit, 2008-2010

2009-02-16T12:50:00.007+01:00

Me qëllim që të përmirsohen kushtet për jetë të pavarur të personave me aftësi të kufizuara në komunën e Çairit, Shoqata e Invalidëve "Shpresa", në bashkèpunim me organizatën françeze "Handicap International", ndërsa u bashkangjitën edhe shumè organizata tjera, dhe nënkuptohet, me një përkrahje të fuqishme nga kom una e Çairit, nxitën hartimin e planit lokal akcional për personat me aftësi të kufizuara I cili èshtè i bazuar në rregullat standarde të Kombeve të Bashkuara.
Ky projekt u realizua gjatë tërë vitit 2007, ndërsa u kurorëzua me datën 07.12.2007, kur edhe u miratua nga këshilli i komunës së Çairit.
Me këtë projekt u evidentuan të gjithè problemet që preokupojnë personat me aftësi të kufizuara në teritorin e komunës, dhe siç èshtè e paraparë, pason periudha 3 vjeçare e implementimit. Në fillim të vitit 2008, u nënshkrua kontratë përmes Sh.I. "Shpresa" dhe organizatës françeze "Handicap International" pikërisht për implementimin e këtij plani, dhe gjatë këtij viti, grupi punues i cili ishte i paraparë të formohet, në bashkèpunim me përfaqësuesit e komunës, punoi mjaft suksesshëm dhe arriti këto rezultate:

Me aktivitetet tona arritëm që të ndërtohen 2 akcese para dy institucioneve;

Sh.I. "Shpresa" realizoi një kurs në sferën e informatikès i cili zgjati 3 muaj, duke filluar nga 10.09.2008 deri me datën 28.12.2008;

Në hyrjen kryesore të komunës së Çairit, u ndërtua akcesi për personat me aftësi të kufizuara i cili i plotson të gjithè standardet për ndërtim;

Përgaditje për themelimin e zyres për informata e cila do të punon sipas sistemit një- sportel;

Nënkuptohet që, ne si shoqatë, aktivitetet për implementimin e planit lokal akcional 2008-2010, do ti vazhdojmë edhe gjatë vitit 2009 dhe shpresojmë që do të arrijmë rezultate edhe më të mëdha dhe më konkrete.

Miratimi i Planit Lokal Aksional nga Këshilli i Komunës së Çairit

Debati Publik - Shkolla Fillore Liria

Seminar ne komunen e Cairit- Plani Akcionar (06.07.08.2007)

Trajnim për profesionalizim inicues për personat me aftësi të kufizuara

2009-02-12T12:34:00.009+01:00

Ky projekt filloi me fazën përgaditore me datën 10.09.2008 ndërsa vet trajnimi filloi me datën 20.10.2008. Me këtë projekt ishte e paraparë që të trajnohen 24 anëtarë tanë, të ndarë në 4 grupe me nga 6 anëtarë, në bazë të njohurive të tyre të përparshme në sferën e informatikès. Ky trajnim u realizua në qendrën educative i cili èshtè në kuadër të Sh.I.”Shpresa”. Ky projekt zgjati deri me datën 28.12.2008, ndërsa financiarisht ishte I përkrahur nga Qyteti i Shkupit.

Të rinjtë në luftë kundër përjashtimit social

2009-02-11T14:34:00.003+01:00

Shoqata e invalidëve shpresa, gjatë 3 vitet e fundit, I ka dhënë një përkushtim të veçantë krijimit të kushteve për inkluzim të mirëfillt të personave me aftësi të kufizuara nëpër shkollat e rregullta. Kjo nuk është bërë rastësisht pasi dihet që shkollimi I një personi ndikon drejtpërdrejt në krijimin e personalitetit.
Projektet që kanë ndikuar në krijimin e kushteve janë realizuar në forma të ndryshme. Kur e themi këtë, mendojmë në atë që projekti, me kalimin e kohës, ka pësuar edhe ndryshime, gjithmonë në përkryerjen e tij. Kjo don të thotë që deri para dy viteve, ky projekt është realizuar vetëm nëpërmjet qfaqjes së një pjese teatrale të një teatri rrugor. Në kohë të fundit, me të njejtin projekt kemi paraparë, përveq teatrit rrugor, edhe një puntori. Së fundi, ky projekt ishte financiarisht I përkrahur nga Fondacioni I mirënjohur Soros, ndërsa u implementua në Strumicë, Shtip, Veles dhe Strugë.

Qëllimi I këtij projekti ishte të bëhet sensibilizimi dhe inkurajimi I përfaqësuesve të të gjithè institucioneve arsimore dhe përfaqësuesve të të gjitha organizatave joqeveritare nga komuna e caktuar, duke mos i anashkaluar as përfaqësuesit e komunës sepse, me ndarjen e re teritorijale, shumica e ingerencave në arsim tani mbesin mbi komunën, që të gjithè së bashku të krijojnë kushte për një inkluzim sa më të mirfilltë të fëmijëve me aftësi të kufizuara nèpèr shkollat e rregullta.
Kushtet të cilat duhet të krijohen janë:
-Secili institucion arsimor të ketë qasje fizike;
-Të ketë të punësuar kuadër profesionist, ose defektolog;
-Të gjithè shkollat të furrnizohen me mjete ndihmëse për nxënësit me aftësi të kufizuara;
Qëllimi i dytë i këtij projekti ishte që, paralelisht, të gjithè të pranishmive në këtë punëtori tu shpèrndajmè fleta anketuese, në të cilat bëheshin pyetje sikur: sa shkolla në atë komunë kanè qasje fizike, sa nxënës me aftësi të kufizuara ndjekin shkollim të rregullt dhe a kanè ato shkolla kuadër profesionist.
Qëllimi i tretë i këtij projekti ishte ngritja e vetëdijes te të gjithè të pranishmit, pa marrë parasysh a bëhet fjalë për fëmijë apo arsimtarë, që ti pranojnë fëmijët me aftësi të kufizuara në rrethinën e tyre, pa stereotipe dhe paragjykime.
Ky projekt u realizua në dy faza:
-Faza e parë ishte organizimi i një punëtorije për përfaqësuesit e lartëpërmendur nga komuna paraprake, në të cilën ligjeronte ekspert nga defektologjija;

-Faza e dytë ishte shfaqja e Teatrit të Rrugës, të cilin duheshte ta ndjekin të gjithè nxënësit e shkollave që gravitojnë në komunën paraprake;

E tërë kjo ishte e përcjellur me flaerë dhe posterë.
Ky projekt filloi me realizim me datën 01.11.2007 dhe zgjati deri me 30.04.2008.Me këtë projekt, përveq këtyre 4 komunave, paraprakisht janë përfshirë edhe këto qytete ose komuna: Shkup, Kumanovë, Tetovë, Gostivar, Kërçovë, dhe Kavadar. Me këtë projekt synojmë që të përfshijmë edhe komunat tjera të R.M. sepse vetëm në këtë mënyrë mund të themi që nuk kemi bërë diskriminim ndaj personave me aftësi të kufizuara që jetojnë nëpër ato komuna.

280 karroca invalidore, donacion nga SHBA

2009-02-11T12:17:00.002+01:00

Shumë njerëz me aftësi të kufizuara kanè nevojë për karroca invalidore dhe nuk mund ti’a lejojnë vehtes ta blejnë, edhe me ndihmën sociale që marrin nga qeverija. Tash shpejtë mbaruam me një projekt, në bashkèpunim me Korpusin e Paqes nga Shtetet e Bashkuara te Amerikës, me të cilin siguruam karroca invalidore për ata persona që kanè nevojë për to ne maqedoni dhe ndihmuam që të plotësohet ajo vrimë në shërbimet sociale të qeverisë.

Ideja për këtë projekt lindi para dy viteve gjatë një takimi përmes drejtoreshës të përparshme të Korpusit të Paqes dhe kryetarit të Sh.I.”Shpresa”, z-ri Elvat Muharemi. Dedikimi dhe bashkèpunimi mes të dy organizatave e solli projektin para implementimit vitin e kaluar. Me datën 15.07.2008, pranuam fjalë që 280 karroca invalidore tani më kanè arrit në Greqi dhe presin nisjen për Maqedoni. Dokumentacioni i nevojshëm u kompletua dhe qeverija e Maqedonisë na dha leje që karrocat të futen në Maqedoni pa pagesë doganore. Kompania për doganim Orbit u kujdes për procesin e doganimit dhe karrocat u futen ne magazine derisa erdhi data për shpërndarjen e tyre.

Me datën 01.08.2008, ftuam anëtarët tanë dhe familjarët e tyre, përfaqësuesit e Korpusit të Paqes dhe mediumet, të na bashkangjiten për shpërndarjen në mënyrë të organizume të këtyre karrocave. Ky eveniment ishte mjaft emocional për të gjithè ne dhe anëtarët tanë ishin tepër të gëzuar që pranuan këto karroca.

Në muajt që vijuan, shpèrndamè karroca edhe nèpèr organizata tjera:

Gusht 20, 2008
-10 Karroca deri te qendra gerontologjike “13 Nëntori”

Gusht 26, 2008
-30 karroca deri te Shoqata për mbrojtjen e të drejtave të personave me aftësi të kufizuara “Mirsija”, Kumanovë

Gusht 28, 2008
-40 karroca deri te Shoqata e personave me Paraplegi dhe paralizë fëmijërore “Handicap”, Tetovë.

Shtator 06, 2008
26 karroca deri te “Handicap- Uniteti”, Gostivar

Shtator 24, 2008
-10 karroca deri te Shoqata e personave me invaliditet fizik, Kërçovë

Tetor 21, 2008
-10 karroca deri te Shoqata e personave me invaliditet fizik, Dibër

Tetor 22, 2008
-10 karroca deri te Shoqata e personave me invaliditet fizik, Shkup

Djetor 03, 2008
-5 karroca deri te qendra ditore “Tetovë”

Edhe një eveniment tjetër për shpërndarjen e karrocave ndodhi në Kumanovë me datën 14 Shtator. Prezent ishte edhe Sh.I.”Shpresa”, së bashku me përfaqësuesit e Korpusit Paqes. Moti nuk ishte aq ideal për një ditë të tillë dhe shumè pak njerëz paten mundësinë të jenë prezent për ti pranuar karrocat. Si do që të jetë, anëtarë të familjeve të tyre ishin prezent dhe i morrën karrocat për ta. Organizatat e tjera nuk paten mundësinë të organizojnë eveniment të tillë.

Qendër për trajnim inicues dhe punësim të personave me aftësi të kufizuara

2009-02-09T14:32:00.000+01:00

Ky projekt filloi me realizim me datën 09.08.2007, kur u nënshkrua memorandumi për bashkèpunim ndërmjet Sh.I. “ Shpresa”, organizatës greke “Handicap Care Hellas”, dhe “Perspektiva Evropjane”. Me këtë projekt ishte e paraparë të ndërtohet një qender për trajnim i cili do të furrnizohet me kompjutorë të rinjë dhe mjete ndihmëse për personat me aftësi të kufizuara. Ky projekt ishte mjaft i suksesshëm dhe me datën 22.12.2007, qendra për trajnim filloi me punë. Qendra u themelua në bashkësinë locale të lagjes së Hekuranës dhe trajnim ndjekën 60 anëtarë tanë me aftësi të kufizuara. Proekti zgjati deri më datën 28.02.2008, i cili ishte finansiarisht i përkrahur nga Ministrija për punë të jashtme të Republikës së Greqisë.

Përkrahja e integrimit të personave me hendikap nëpërmjet përpjekjeve të bashkësisë lokale dhe bashkëpunimit ndërmjet sektorëve

2006-11-17T13:31:00.001+01:00

Me 1 tetorë SH.I ,,SHPRESA,, filloj me realizimin e proektit me titull:Përkrahja e integrmit të personave me hendikap nëpërmjet përpjekjeve të bashkësisë lokale dhe bashkëpunimit ndërmjet sektorëve.
Proekt i mbështetur finansiarisht nga ambasada e SH.B.A
Me këtë proekt ne si O.J.Q me kntributin tonë modest duam të bëjmë përpjekje që sado pak të ngrejmë vetëdijen , të nxisim ose të inkuarojmë të gjihtë përfaqësusit relevant të institucioneve arsimore që pak ma me seriozitet të meren ma avansimin e të drejtave të P.A.K në arsimim.
Gjegjësisht të krijojnë kushte në të gjitha institucionet arsimore që edhe P.A.K të munden në mënyrë të barabartë të ndjekim arsimim duke filluar që nga cikli më i ulët e deri në ate sipërore.
Me këtë proekt duam te të gjithë arsimtarët të ngrejmë vetëdijen që në klasë të tyre ti pranojnë fëmijët P.A.K si të barabart pa kurë fare paragjykime dhe stereotipe.
Poashtu duam të ngrejmë vetëdijen edhe te vet nxënësit që edhe ata nxënësit P.A.K ti pranojnë në mënyrë shum normale edhe pa paragjykime të loyin bashkë , të ushqehen bashkë , ti bëjnë detyrat bashkë e kështu me rradhë.
Krejtë këto kemi planifikuar ti arijmë nëpërmjet të këtij duke implementuar në dy mënyra.
Mënyra e parë : është parapa të organizojmë 5 puntori me të cilat puntori duam ti përfshijmë të gjithë përfaqësuesit e të gjitha shkollave në qytetin e Shkupit dhe në fshatërat pë rreth siç janë : psikolog , defetolog apo pedagogë.
Mënyra e dytë : është ajo mënyrë që është parapa shfaqja e një teatri rrugorë i cili teatar do të ygjatë 25 min.
Kjo pjesë teatrale do të shfaqet në 30 shkolla çka don të thotë se me këtë proekt do të arijmë të senyibiliyojmë një numër bukër të madhe të nxënësve.
Krejtë këto aktivitete do përcjellen me posterë që ka moton : ,,MUNDËSIT TË BARABARTA NË ARSIMIM ,,
Dhe me fllaer që mbanë moton : ,, NGA IZOLIMI TEK PËRFSHIRJA,,

Proekte si shërbime sociale

2006-11-12T12:09:00.001+01:00

Sikurse çdo vit edhe këtë vit të muajit të Ramazanit aritëm të sigurojmë 200 pako me artikuj ushqimor , pako të cilët kanë peshuar 28 kg.
Edhe këtë vit ky proekt u realizua me SH.K.H ,,ENSAR,, me të cilën shoqat kemi bashkpunim shum të mirë dhe të suksesëshme.
Vlerësimi i kryesisë së SH.I ,,SHPRESA,, është se kjo ndihmë ishte e mirësëardhur për anëtarsinë tonë.
Ky proekt u realizua më datë 03.10.2006 dhe ka zgjatur deri më 12.10.2006

Proekt i radhës i këtij llojit çka don të thotë me artikuj ushqimore të dhoruara nga ndërmarja ,,GONI-TEKS,, u realizua më 20.10.2006 , me këtë proekt aritëm të kënaqim 10 anëtarë të SH.I ,,SHPRESA,,
Anëtarët të cilët ishin të selekcionuar nga komisioni tre anëtarësh të shoqatës tonë.

Poashtu proekt me artikuj ushqimore që përmbante 215 pako me prodhime të mishit të dhoruara nga ndërmarja e mirënjohur e prodhimeve të mishit ,,UKA-KOMERC,, nga komuna SARAJ.
Ky proekt u realizua më 22.10.2006 çka don të thotë 2 ditë para KURBAN BAJRAMIT , sipas vlerësimit të kryesisë së SH.I ,,SHPRESA,, ky proekt ka qenë më i qëlluar sepse artikujt ushqimore që kanë qenë në këto pako ju kan shërbyer anëtarve për pregaditjen e drekës së BAJRAMIT.

Ndikimi, terapia fizikale, dieta dhe terapia me barna

2006-09-11T13:21:00.000+02:00

Seminari u mbajt në hapësirat e shkollës fillore "Petar Zdravkovski Penko" më dat 31.06.2006.
Projekti ishte i finansuar nga organizata Amerikane "USAID".
Në seminarin e mbajtur si ligjerues kishim të ftuar Dr. Fiziatër Ismail Rexhepi dhe defektologen Dita Torte.
Ishin të ftuar 30 antar të shoqatës "Shpresa"persona me hendikep fizik, interseimi për të ndjekur ligjeratën ishte mjaft i madh sepse përveq se të ftuarit kishim prezent edhe tjer persona antar të shoqatës .
Poashtu personat që ishin prezent u dha mundësia të parashtrojn pyetje të ndryshme ekspertëve në fjal.
Për gjith këta ishte transporti i siguruar prej nga shtëpia deri tek shkolla dhe anasjelltas dhe ne kohën për ushqim siguruam për të gjith nga një ushqim dietal.
Kryesia e shoqatës mbeti shumë e knaqur sepse interesimi ishte në nivel,
kemi bindjen se sado pak kemi arrit të ngrehim vetëdijën te personat me hendikep që të përkujdesen për vetëvehten përmes temës që u diskutua.

Relaksim shpirtëror për fëmijët me hendikep

2006-01-31T11:39:00.002+01:00

Në këtë tubim ishin present edhe mediat edhe atë një television privat dhe dy gazetarë nga gazeta “Fakti” dhe “Lajm”. Klikoni këtu për ta lexuar artikullin për manifestimin tonë nga gazeta “Lajm” ose klikoni këtu për ta lexuar artikullin nga gazeta “Fakti”.

28 Dhjetor 2005

Që nga fillimi i formimit të Shoqatës përpos aktiviteteve tjera që janë paraparë të realizohen është paraparë që në fund të vitit të organizohet tubim me karakter kulturo-zbavitës për anëtarët e Soqatës “Shpresa”. Ky tubim është realizuar falë dëshirës dhe vullnetit të mirë të donatorëve që kanë pasur dëshirë për ta mbështetur këtë aktivitet shumë domethënës. Prandaj ky organizim veq më është bërë tradicional sepse si çdo vit edhe këtë vit Sh.I.”Shpresa” bëri organizimin e një manifestimi kulturo- zbavitës me rastin e Vitit të Ri. Ky organizim u bë me datën 28.12.2005 në restorantin “Biznis” prandaj meritë të madhe për realizimin e këtij manifestimi ka edhe pronari i këtij restoranti z. Haxhi Vehapi.

Shkaku kryesor për organizimin e këtij tubimi janë fëmijët me hendikep për të cilët u bë shpërndarja e 125 pakove me ëmbëlsira për fëmijë nga Shkupi dhe fshatrat për rreth. Si zakonisht edhe këtë vit fjalën e mori z.Elvat Muharemi Kryetari i Sh.I.”Shpresa” i cili fillimisht të gjithëve u uroi mirëseardhje dhe të gjithë fëmijëve ua uroi Vitin e Ri 2006 duke ju dëshiruar shëndet dhe shumë suksese në jetë, gjithashtu faleminderoi të gjithë ata që gjatë tërë vitit kanë kontribuar për Shoqatën e Invalidëve “Shpresa”. Ai shtoi se ky manifestim përveç që kishte për qëllim që fëmijët me hendikep të nxiren nga muret e shtëpisë, të njoftohen mes tyre, të argëtohen me muzikë të cilën muzikë e bëjnë grupi i muzikantëvë siguruar të Sh.I.”Shpresa”dhe të gëzohen ose thënë me një fjalë tu bëhet një relaksimi shpirtëror. Qëllimi tjetër i këtij mëanifestimi ishte se me këtë manifestim Sh.I.”Shpresa” i rrumbullaksoi gjitha aktivitetet e saja për vitin 2005. Këto pako janë siguruar me mjete nga vetë buxheti i Sh.I.” Shpresa” edhe pse para asaj kemi dërguar kërkesa deri te donatorët e ndryshëm që ta mbështesin këtë aktivitet tonin mirëpo fatkeqsisht nuk ka pasur përgjigje pozitive nga ta. Nuk e di nëse bëhet fjalë për situatën e krijuar ekonomike në vend apo mungesë e vullnetit të donatorëve për ti gëzuar fëmijët me hendikep tha Kryetari i kësaj Shoqate z. Elvat Muharemi.

Në këtë manifestim u shpërndanë mirënjohje për 11 donatorët që kanë dhënë kontributin e tyre për herë të parë gjatë vitit 2005 . Që manifestimi të jetë sa më i begatshëm të ftuar ishin nga një deputet i partive në parlament që janë të kyçur në Lobi Grupën Interpartiake Parlamentare sepse ata sado pak janë në rrjedha të çështjeve të personave me hendikep, Kryetari i komunës së Çairit z. Izet Mexhiti, Kryetari i Komunës së Butelit dhe përfaqsues të institucioneve shtetërore dhe private. Me prezencën e tyre Shoqatën e nderuan deputeti z.Ismet Ramadani, Drejtori gjeneral i Aeroportit të Shkupit z.Orhan Ramadani, profesori i nderuar z. Syrea Imami, një përfaqsues i “ Higjienës Komunale” të qytetit të Shkupit etj.

Kjo Shoqatë me formimin e Qendrës edukative anëtarëve dhe aktivistëve të vet që kanë treguar interes u ka mundësuar të kryejnë kurse të gjuhës Angleze dhe të Informatikës pa participim. Mirëpo interesimi i tyre nuk ka qenë në nivel të duhur dhe kjo ndodh si rezultat i gjendjes së vështirë ekonomike sepse personat me hendikep për ti ndjekur kurset duhet harxhuar mjete finansiare për transport. Shoqata për momentin nuk ka mundësi personave me hendikep t’ua siguroj transportin pasiqë nuk posedon automjet përkatës për këta persona, prandaj shoqata në fjalë ka tentativa që në të ardhmen të sigurojë automjetin e saj i cili do të kryente punë në shërbim të këtyre personave. Prandaj në manifestimin kulturo-zbavitës iu shpërndanë vërtetime anëtarëve dhe aktivistëve që kanë patur mundësi të ndjekin kurset që i ka ofruar kjo Shoqatë edhe atë për kurset e Informatikës dhe Gjuhës Angleze. Besojmë se edhe në të ardhmen do ta vazhdojmë të organizojmë aktivitete të këtilla, kuptohet, edhe me tutje kemi nevoje per perkrahjen e organizatave te ndryshme, përfundoi z.Muharemi.

U mbajt edhe Panairi i pestë me rradhë

2006-01-31T11:34:00.000+01:00

Këtë vikend u mbajt Panairi i pestë i shoqatave jo-qeveritare Shkup, Maqedoni .Shpresa ishte një ndër qindra tjera organizata qe morrën pjesë në këtë ngjarje. Ishte një mundësi interesante që të njoftohet publiku me aktivitet e organizatës dhe të njoftohen organizatat jo-qeveritare të këtij rajoni njëra me tjetrën.